කලා කෘති පාලනයට පොලිසිය අත පෙවිම වැළැක්විය යුතුයි – නිදහස් මාධ්‍යය ව්‍යාපාරය

නිර්මාණාත්මක ලේඛකයෙක් වන ශක්තික සත්කුමාර විසින් රචනා කරන ලදුව මුහුණු පොතෙහි පළ කරන ලද කෙටි කථාවක්, බුද්ධ ධර්මයට කරන ලද අපහාසයක් ලෙස සලකමින් ඔහුව අප්‍රියෙල් නව වන දින දක්වා රක්ෂිත බන්ධනාගාරගත කිරීමට කටයුතු කිරීම සම්බන්ධයෙන් නිදහස් මාධ්‍යය ව්‍යාපාරය තම අප්‍රසාදය පළ කරයි. 

නිදහස් මාධ්‍යය ව්‍යාපාරය වෙත වාර්තා වී ඇති අන්දමට ශක්තික සත්කුමාර පොල්ගහවෙළ පොලිසිය මඟින් අත් අඩංගුවට ගෙන අප්‍රියෙල් 09 දින දක්වා රක්ෂිත බන්ධානාගාරගත කොට ඇත්තේ අන්තර්ජාතික සිවිල් හා දේශපාලන අයිතිවාසිකම් ප්‍රඥප්තිය යටතේය. ශ්‍රී ලංකාව විසින් අන්තර්ජාතික සිවිල් හා දේශපාලන අයිතිවාසිකම් ප්‍රඥප්තියට අත්සන් කිරීමෙන් ජගත් ප්‍රජාවට මෙන්ම ශ්‍රී ලාංකික මහජනතාවට පොරොන්දු වි ඇත්තේ අදහස් ප්‍රකාශ කිරීමේ නිදහස වඩාත් සුරක්ෂිත කොට පෝෂණය කිරීමට මෙම ප්‍රඥාප්තිය මගින් ඉඩකඩ සලසා දෙන බවයි. නමුත් මෙම සිදුවිම් මගින් පැහැදිලි වන්නේ එම ප්‍රඥප්තිය අදහස් ප්‍රකාශ කිරීමේ අයිතියට අභියෝගයක් එල්ල වන ආකාරයෙනි. යම් කලා කෘතියක අන්තර්ගතය සම්බන්ධයෙන් ගැටලුකාරි තත්ත්වයක් තිබේ නම් ඒ පිළිබඳ විනිශ්චය කිරීම එක් දෘෂ්ටිකෝණයකින් පමණක් කළ නොහැකි සංකිර්ණ කටයුත්තකි. එහෙත් රජය මෙහිදි ක්‍රියාත්මක කර ඇත්තේ ඒ පිළිබඳ නොතකමින් බව පැහැදිලිව පෙනේ.

කලා හා සාහිත්‍ය කෘති මෙන්ම නිදහස් මතධාරින්, ලේඛක ලේඛිකාවන් සම්බන්ධයෙන් රජය නිසි අධ්‍යයනකින් තොරව තීරණ ගෙන ඇති බවත්, එමගින් අදහස් ප්‍රකාශ කිරීමේ නිදහස් අයිතිය උල්ලංඝණය කිරීම රජය විසින් නොකඩවාම සිදු කරන බවත් නිදහස් මාධ්‍ය ව්‍යාපාරය මීට පෙර අවස්ථා කිහිපයක දී ම පෙන්වා දී ඇත. මෙම අත්තනෝමතික ක්‍රියා කලාපය නතර කරන මෙන් නිදහස් මාධ්‍යය ව්‍යාපාරය නැවතත් සියලු බලධාරීන් ගෙන් ඉල්ලා සිටියි.

සී.දොඩාවත්ත
කැඳවුම්කරු

ardha 01

ardha 02

ardha 03

ardha 04

ardha 05

ardha 07

ardha 08

sis.lk

Image may contain: text

Leave a Reply

Your email address will not be published. Required fields are marked *