ආගම් සදහා එක අමාත්‍යංශයක් පැවතීම යෝග්‍යයි – මැල්කම් රන්ජිත් කාදිනල් හිමි

බෞද්ධ, හින්දු, කතෝලික, ඉස්ලාම් ආදි වශයෙන් වෙන වෙනම අමාත්‍යාංශ පවත්වාගෙන යනවා වෙනුවට පෙර පැවති ආකාරයට සියලුම ආගම් සඳහා එක් අමාත්‍යාංශයක් පත් කරන ලෙසට මැල්කම් කාදිනල් රංජිත් කොළඹ අගරදගුරුතුමෝ අද (14) රජයෙන් ඉල්ලීමක් කළහ.

එමෙන්ම ආගමික හෝ ජාතියක නමක් සහිත දේශපාලන පක්ෂ තහනම් කළ යුතු බව ද අගරදගුරුතුමෝ සඳහන් කළහ.

බොරැල්ල අගරදගුරු මැදුරේ පැවති මාධ්‍ය හමුවකදී අගරදගුරුතුමෝ මේ බව පැවසූහ.

එමෙන්ම රට තුළ හටගෙන ඇති ගැටුම්වලට දේශපාලන පක්ෂවල ප‍්‍රාදේශීය මට්ටමේ නායකයන් සම්බන්ධ බැවින් තමන්ගේ ගෝල බාලයන් පාලනය කරගන්නා ලෙස දේශපාලන පක්ෂ නායකයින්ගෙන් ඉල්ලා සිටින බවත් අගරදගුරුතුමෝ පැවසූහ.

පාස්කු ඉරිදා ප්‍රහාරය සිදුවී දින 20කට වඩා ගතවූ අවස්ථාවේදී බුද්ධිමත් පුරවැසියන් ලෙස ආරක්ෂක අංශවලට සහාය දක්වනවා මිස නීතිය අතට ගෙන කටයුතු කිරීම සුදුසු නොවන බවත් එතුමෝ වැඩිදුරටත් කීහ.

Leave a Reply

Your email address will not be published. Required fields are marked *