කලාපෙන් රාජිත උඩ දායි

වසර ගණනාවකට පසු ශ්‍රී ලංකාවේ බිහි වූ විශිෂ්ටතම හා කාර්යක්ෂම සෞඛ්‍ය අමාත්‍යවරයා දොස්තර රාජිත සේනාරත්න බව ලෝක සෞඛ්‍ය සංවිධානයේ දකුණු සහ නැගෙනහිර ආසියානු කළාපීය අධ්‍යක්ෂිකාව පවසයි.

පසුගිය වසර 02 තුළ සෞඛ්‍ය අමාත්‍යවරයාගේ නායකත්වයෙන් ලංකාවේ සෞඛ්‍ය ක්ෂේත්‍රයේ වර්ධනයක් දක්නට ලැබී ඇති බවත් ඊට ප්‍රධානම හේතුව සෞඛ්‍ය අමාත්‍යවරයාගේ කැපවීම බවට වෛද්‍ය පූනම් චෙට්‍රපාල් සිං ප්‍රකාශ කර සිටියේ ලෝක සෞඛ්‍ය සංවිධානයේ ශ්‍රී ලංකාවෙි ප්‍රධාන කාර්යාලය අද (23) උත්සවයට එක්වෙමිනි.

දුම්කොළ බදු සියයට 90 දක්වා වැඩි කිරීම, ප්ලේන් සිගරට් පැකට්ටුවක් හදුන්වාදීමට ක්‍රියා කිරීම, ඉතා වැදගත් පෙන්වා දෙන ඇය අසියානු රටවලින් ප්ලේන් සිගරට් පැකට්ටුවක් හදුන්වා දීමට නියමිත එකම රට ශ්‍රී ලංකාව බවටයි කියා සිටියේ.

රෝග නිවාරණය අතින් ශ්‍රී ලංකාව ඉදිරියෙන්ම සිටින අතර එය කළාපයේ අනෙකුත් රටවලට ආදර්ශයක් බවයි ලෝක සෞඛ්‍ය සංවිධානයේ දකුණු සහ නැගෙනහිර ආසියානු කළාපීය අධ්‍යක්ෂිකාව අවධාරණය කරන්නේ.

ලෝකයටම විශාල අභියෝගයක් වී තිබෙන බෝනොවන රෝග පාලනය කිරීමට ශ්‍රී ලංකාව ගෙන ඇති ක්‍රීයාමාර්ග ඉතා වැදගත් බැව් පවසන අධ්‍යක්ෂිකාව ශ්‍රී ලංකාවේ සෞඛ්‍ය පිළිබද විශාල බලාපොරොත්තුවක් ඇති බව සදහන් කළේය.

මෙම අවස්ථාවට සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න, සෞඛ්‍ය අමාත්‍යාංශයේ ලේකම් අනුර ජයවික්‍රම සහ ලෝක සෞඛ්‍ය සංවිධානයේ ශ්‍රී ලංකා නේවාසික නියෝජිත ඡෙකොබි කුමරේෂන් ඇතුලු විශාල පිරිසක් එක්ව සිටියේය.

Leave a Reply

Your email address will not be published. Required fields are marked *